Dát šiehtadus lea historjjálaš.
Várjjat Sámi Musea álggi čavčča 2015 informeret  olbmuid Unjárggas dan prošeavtta birra. Musea lea bovden rabas čoahkkimii ja bargobajiid buot gieldda ássiide, ja doallan sierra doaimmaid Unjárga oahppogáldui. Bargu joatká jagi 2016 ja 2017`is.
Bååstede lea lullisámegiela sátni ja mearkkaša "máhcaheapmi”, lea sámi museamateriála máhcahanšiehtadus gaskkal: Norsk Folkemuseum, Kultur Historisk Museum – geat leaba otná eaiggádat, ja Sámediggi. Bealli sin čohkkehusas – 2000 dávvirat – galgetmáhcahuvvot dan guhtta Sámi musea vuođđudusaide maid Sámediggi hálddaša. Dát lea historjjálaš dáhpáhus! Nationálamusea máhcaha –repatriere – kulturhistorjjálaš ávdnasiid ruovttuloahtta álgoálgosaš eaiggádii, sámi álbmogii!
Unjárgga ássiide dat mearkkaša oažžut ruovttoloahtta birrasii 80-90 ávdnasiid mat otne lea Oslos, Norsk folkemuseumas. Ja dan oktavuođas leat háliidan inkluderet gieldda ássiid ja doallan Bååstede čoahkkimii. 

Loga eanet Bååstede birra Norsk folkemusea ruovttusiiddus dahje sámedikki neahttasiiddus

Loga guorahallan raportta birra dás

 

 

 

 

 

 

 

Govva: ávdnasat čájáhusas maid leat luoikan Norsk folkemuseas ja maid soaitit oažžut. Govven: HP/Várjjat Sámi Musea.