Museas leat  bistevaš ja gaskaboddosaš čájáhusaid birra jagi.

Bistevaš čájáhusat:

• Váldočájáhus Mearrasápmelaččat
• Stoahkanlatnja Stálubiedju
• Duodji
• Musea feaskáris leat maid čájáhusskáhpet gos oaidná boahkániid, vuoddagiid, holbiid ja soadjegežiid Unjárggas
• Luondu – bassi eanadat, bistevaš čájáhus Ceavccageađgi diehtoviesus.

Gaskaboddosaš čájáhusaid čájehat čájáhuslanjas Iŋggágoađis, kántiidnas dahje hállas. Dat leat iešguđetge dáidagat: govvadáidda, bázzi, iešguđetlágan fáddáčájáhus ja diehtočájáhus.

Museas lea maid ovttasbargu Unjárga Oahppogáldduin  ja juohke jagi lea Oahppičájáhus gos oahppit ráhkadit čájáhusa dan vuođul maid leat ráhkan skuvllas ja mánáidgárddis dan jagi.

Museas lea maid iežas neahttačájáhus:
Saivu.com, dološ sámi osku ja mytologiija
Luondu.no – kulturmuittut Ceavccageađges